देशील ......................................?

तू आता माझी नाहीस तेव्हा जास्त नाही मागणार तुझ्याकडे
पण...जे काही मागेल ते मात्र आठवणीने दे ...!

तू फक्त माझीच हो असे नाही मागणार तुझ्याकडे
पण ...कधीतरी माझे आठवणीत सांडलेला एक अश्रू मात्र आठवणीने दे ...!

पाण्याने भरलेले सारेच नभ नाही मागणार तुझ्याकडे
पण...त्या नभातून बरसलेला पाण्याचा एक थेंब मात्र आठवणीने दे ...!

चांदण्यांनी लक्ख झालेले आकाश नाही मागणार तुझ्याकडे
पण... त्यातून निखळनारा एक तारा मात्र आठवणीने दे ...!

मुसळधार कोसळणारा पाऊस नाही मागणार तुझ्याकडे
पण... त्यातून येणारी थंड हवेची एक झुळूक मात्र आठवणीने दे ...!

बेधुंद करणाऱ्या रातराणीचा अंगणात पडणारा सडा नाही मागणार तुझ्याकडे
पण ... जाताना एक मोगर्याची कळी मात्र आठवणीने दे ....!

उंच उंच आकाशाला भिडणारे हिरवेगार डोंगर नाही मागणार तुझ्याकडे
पण...त्या डोंगरावरील एक रोपटं मात्र आठवणीने दे .....!

फक्त माझ्यासाठीच धडधडणारे हृदय नाही मागणार तुझ्याकडे ..
पण ..माझेसाठी चुकलेला एक ठोका मात्र आठवणीने दे ....!

देशील ......................................?

सनी ..एक वेडा मुलगा

तुझंच प्रेम शोधत आहे .....!!

तुला आठवतं ते आपलं नेहमीचं हॉटेल
आणि तेच सर्वात मागचं टेबल ..
त्यावर आज थोडी धूळ साचलेली.
हळुवार हात फिरवला ..तर ..
तेच तू काढलेलं आपलं छोटंसं गाव ..
आणि त्यावर लिहिलेलं दोघांचे नाव....!

अन ..मन माझं पुन्हा एकदा मागे गेलं..
अगदी एकदम सर्वकाही काल घडल्या सारखं
जाळीदार पानावर पहाटेचं दव पडल्यासारखं
मला तुझं प्रेम कळावे म्हणून तू केलेला शब्दांचा खेळ
आणि सर्व समजूनही मी राहिलेलो अबोल ....!

मला आवडणारा ड्रेस तू घातलेला ..
पण जाणवू दिला नाही मी प्रसंग माझेवर बेतलेला ..
मलाही समजत होतं..
मी आलेवर ..मी येते म्हणणारी तुझी मैत्रीण हुशार ..
आणि तू दिसलेवर माझे मित्रही होणार लगेच पसार ..

रोज अजून थोडावेळ थांबू ना .. बोलणारी तू ...
अन घरी जाण्याची घाई करणारा मी ..
दोघामध्ये एकच घेतलेला तो चहाचा कप ...!
तोही केविलवाणे हसत बघायचा माझेकडे ....!

डोळ्यात डोळे घालून ..आयुष्यभर साथ देशील ..
असे विचारणारी तुझी भावूक नजर ..
प्रतीक्षा माझ्या उत्तराची ..
अन ..उत्तर ऐकताच ..
केलेली घाई अश्रू लपवण्याची ....!!

तुला नाही म्हणून गेलो तुझे पासून दूर ..
घरी आलेवर भरून आला अश्रूंचा पूर ..
आता चहाच्या चटक्याने भानावर आलो ...
स्वप्नं सारे भूतकाळात विसरून गेलो ..

पण ..
या सगळ्यातून बाहेर आलेला मी ..
कायम तुझेसाठी कुढत आहे ..
आणि त्या चहाच्या कपात अजूनही ..
तुझंच प्रेम शोधत आहे .....!!


सनी ..एक वेडा मुलगा ...!!

तू फक्त सुखी राहा ....एवढेच मागेल मी ..

तुझ्यात किती सहज समरस झालो ..
तितक्याच सहजतेनं ठरवून दुरही झालो ..
पण तुझ्या आठवणी  ..कसा दूर जाऊ त्यांच्या पासून ..?

तुझेसोबात असताने कायम हसत राहिचो ..
पण.. आता हास्यच गायब झालाय चेहऱ्यावरचे ..
आणि कारण असून रडू सुद्धा येत नाही आजकाल मला .....!

पूर्वी तुझेसोबत चालताना किती चाललोय याचं भान नसायचं..
आज एकटा चालताना बघून ती वाटही हसते बघून माझेकड
म्हणूनच आजकाल तिला वाईट वाटू नये म्हणून
मी फिरणंच बंद केलंय त्या वाटेने ....!!

तू भेटणे अगोदर फुलांचा गंधहि नव्हता मला ..
पण तू दिलेला गुलाब सुकलाय पण तरीही जपून ठेवलाय ..
तुझ्या बाबतीत मी हेच तर केलंय ...!

तुझा हात कधी हातात येयील असा वाटलच नव्हतं..
आणि आलेवर लगेच सुटेल असा विचार पण केला नव्हता..
मला वाटतंय जगेन तुझेशिवाय ..पण मला वाटतंय तसा होतंय कुठे ?

तुला आठवतंय .. एकदा तू तुझा स्कार्फ विसरली होतीस ..
मी हि तो छान घडी करून  जपून ठेवला होता ..
पण आता तू मला विसरलीस
तेव्हा..स्वतःला तसं जपणं सुद्धा कठीण आहे ग मला .....!!

पण .. तू नकोस काळजी करूस माझी ...
जगेल मी कसाही ..एक भावनाशून्य दगड होऊन ..
तू फक्त सुखी राहा ....एवढेच मागेल मी ..
असेल काही माझे हातून चांगले घडले तर त्या ...दगडाच्या देवाजवळ ......!!
ज्याला कुठल्याच भावना नाहीत अश्या .. त्या दगडाजवळ .....!!

सनी ..एक वेडा मुलगा ....!!

नको होतास तू मला ......!!

रणरणत्या उन्हात पावसाची थंडगार सर यावी ..
असाच तू माझ्या आयुष्यात आलास ...
मला तू नकोसा वाटत असतानाही ...
जुन्या जखमेवर फुंकर घालून गेलास ....!

त्या नंतर मी ठरवून खूप बदलले होते
तू जवळ येण्याचे सर्व प्रयत्न हाणून पाडले होते
पण  ..तू माझे  मन निस्वार्थीपणे जपले ..
मला हेच कळत नाही एवढे कुठून शिकले ..!

तुला दुखावताना मन जड माझे व्हायचे
तुझे प्रेम कळत असूनही निर्णय मी घ्यायचे
पूर्वी मागितलेले प्रेम न सांगता देत होता
सर्व मिळूनही माझेकडून तुला नाकारणे हा गुन्हा घडत होता ..

माझेवर प्रेम करतोस सांगताना डोळे तुझे भरून आले
शब्द कमी पडताना ..अश्रू सारे बोलून गेले ..
तुझे प्रेम बघून हृदय माझे भरून आले ..
मी सारे निर्णय तोडून माझे ..तुझे अश्रू पुसू लागले ...!!


सनी ..एक वेडा मुलगा ..

व्येथा शेतकऱ्यांची .....!

शेती मी करतो कसं विसरू .
हि शेती माझी आई ..
मरमर कष्ट करून सुद्धा
काहीच मिळत नाही ....!

सरकारच्या मोठ्या योजना
कागदावरच राहून गेल्या
सह्या फक्त घेऊन गेले
योजना कधी न आल्या ......!

निसर्ग पण कोपतो आमचेवर
पाऊस वेळेवर येत नाही
कर्ज वाढते खंडीभर
सावकार दारात उभा राही .....!

चूल माझ्या घरची
कितीदा तरी पेटत नाही
पोरं रडतात भाकरीसाठी
घरात अन्नाचा कणही शिल्लक नाही ....!

खिसा आमचा पूर्ण रिकामा त्यांचे शाळेसाठी ..
शिक्षणाचं वय निघून गेलं पोरं झाली मोठी ..
त्यांचे काबाडकष्ट सुरु झाले ..
आमचेच मागचे दिवस पुढे आले ....!!

कर्ज वाढता वाढत गेले ..
सावकाराकडे जमीन गेली .
गाय - बैल  बँकेने ओढून नेले
संसार आमचे रस्त्यावर आले ....!!

अन मग एक दिवस ......

दोर गळ्यात लटकवून
बाप झुलतोय झाडावर
आई निपचीत पडलीय
हृदय फाटणारा आक्रोश धरणीवर...........!!

सनी ..एक वेडा मुलगा ....!!

सनी ..एक वेडा मुलगा ....!!

खरच आयुष्य असेच असते का... ??

खरच आयुष्य असेच असते का... ??
जगत असताना आयुष्याच्या प्रत्येक वळणावर ..
अपयश झेलायचं..आणि ..
तरीही रोज नव्या उमेदीनं उठायचं ....!

आयुष्यभर चालता चालता ..
जीवनातील चढ -उतार ना सामोरं जायचं..
कुठेतरी ठेच लागून पडायचं ..
वळून बघायचं..कुणी पाहिलं नाही ना ..
म्हणून परमेश्वराचे आभार मानायचं..
आणि पुन्हा एकदा फिनिक्स पक्षासारखा
नव्या जोमानं चालायला लागायचं.....!

सुखाच्या क्षणांना हाय - बाय करायचं ..
आणि दु:खाशी मात्र घट्ट नातं ठेवायचं ....!
कुणाकडूनही कशाची हि अपेक्षा न ठेवता ..
त्यांच्या अपेक्षांचं भान ठेवायचं....!

आपल्या साऱ्या इच्छा मनात ठेवून ..
कुढत कुढत जगायचं ...
नको असलेल्या गोष्टीमध्येच समाधान मानायचं..
अन ..प्रत्येक गोष्ट मिळवण्यासाठी जीव तुटेपर्यंत झगडायचं ....!

खरच आयुष्य असेच असते का .....??


सनी ..एक वेडा मुलगा ...!

का जन्माला आलो मी मध्यमवर्गीय कुटुंबात ...?

का जन्माला आलो मी ..
एका मध्यम वर्गीय कुटुंबात ...?
हौस नाही मौज नाही .
वाढदिवसाला साधी चोकलेट नाही ..?

नवीन ड्रेस घेतला कि त्या दिवशी दिवाळी
बाकी दिवस म्हणजे आयुष्याची होळी ..
शाळेच्या सुट्टीचा आनंद नसायचा
दुसरे दिवशी रोजगार हमीचा रस्ता दिसायचा ..!

शाळा सुरु झाली कि मित्र एकत्र बसायचे ..
सुट्टीतल्या गमती सांगत असायचे ..
मी काय सांगणार ..रोजगार हमी ..?
डोळ्यात पाणी आणून ऐकत बसायचो ...
ऐकता ऐकता नुसतंच हसायचो ..
मग मित्रही मला समजून घ्यायचे ..
तो विषय मग तिथेच बंद व्हायचा ...
आणि पुन्हा नवीन दिवस चालू व्हायचा ...!

मनात आले का हेच आपले आयुष्य ..
तेव्हाच निर्णय घेतला आपण आता
आता आपण खूप शिकायचे ..
मिडल क्लास मधून हायर क्लास मध्ये जायचे ..
म्हटले अगोदर पाहून घ्यावे ..
हायर क्लास काय असतो जाणून घ्यावे ...

गेलो मग मित्राच्या घरी ...
दार उघडायला नोकर आला ..
कामवाले बाई ने पाणी दिले
कुक ने जेवण दिले ..
आई मात्र झोपली होती ..
म्हणे पार्टीहून रात्री लेट आली होती ..

ह्याची रूम वेगळी होती
रूम मध्ये सिगारेट होती ..
एका ड्रावर मध्ये बिअर होती ..
पत्याचा कॅट होता ..
आईची मध्ये चक्कर झाली ..
ग्लास मधली बिअर पाहून गेली ..

मनात प्रश्न आला हीच का संस्कृती ..
हेच का हायर क्लास ..?
असेच असेल तर मला नको आहे ..
माझा मिडल क्लास किती ग्रेट आहे ..
माणसे माणसांचा मान ठेवतात ..
मुलं पण आई बापावर प्रेम करतात ..
इकेडे कुणीच कुणाचे नसतात
म्हणूनच ते लोक वरून हसले
तरी आतून रडत असतात ... आतून रडत असतात ..!!

सनी ..एक वेडा मुलगा ..!!

अरे ..मी फक्त तुझीच आहे...!!

फार काही नको मला तुझेकडून
फक्त एकदाच....
जवळ येवून विश्वासाने....
माझा हात हातात घे ...
आणि बोल अरे ..मी फक्त तुझीच आहे ...!!
...
जेव्हा एखाद्या संध्याकाळी
मनात माझ्या काहूर माजेल ..
सगळ जग सुनं सुनं वाटेल ..
मनात कदाचित आत्महत्येचा ....
विचार हि डोकावून जायील ...
तेव्हा ..
जवळ येवून विश्वासाने..
माझा हात हातात घे ...
आणि बोल अरे ..मी फक्त तुझीच आहे ...!!

मलाही गरज असेल ..तुझी
सगळी दुनिया विरोधात असल्यावर ..
जगण्याची लढाई लढताना थकल्यावर ..
जगण्याची इछाच मरून गेल्यावर
मरणाच्या अगोदर फक्त एक क्षण ...
जवळ येवून विश्वासाने..
माझा हात हातात घे ...
आणि बोल अरे ..मी फक्त तुझीच आहे...!!

माझे विचारही बदलतील कदाचित तुझ्या येण्याने
मीही पुन्हा नव्याने उभा राहील तुझ्या साथ देण्याने
सुरु करील जीवन नव्या जोशात आणि ताकतीने ..
सामोरा जाईल नवीन लढाई जिंकायला ...
फक्त तुझ्याच साथीने ...!!

म्हणून फक्त त्यासाठीच .....
एकदा जवळ येवून..
विश्वासाने..माझा हात हातात घे ...
आणि बोल अरे ..मी फक्त तुझीच आहे...!!

सनी ..एक वेडा मुलगा 

मला सोडून जाताना.........!!

मला सोडून जाताना..
 तू थोडं तरी थांबायला हवं होतं ..
माझं काय चुकलं हे सांगायला हवं होतं ..
कदाचित असेलही मी रागावलो तुझ्यावर ..
पण तू  ..
मला एकदा तरी समजवायला हवं होतं ...

पण नाही ...
तू  आणि तुझा  इगो ...
तुझे  फ्रेंडस  ..
तुझं स्टेटस ..तुझं करिअर..
तू स्वतःच्याच विश्वात रममाण होती..
माझ्या भावनांची कदर तुला थोडीच होती ..?
माझ्याबरोबर घालवले अनमोल क्षण ..
क्षणार्धात विसरून निघाली होती ...!

आठवतंय का तुला ..
मन माझं भरून येत होतं ....
तुझ्या गोड आवाजात एक शब्द बोललीस तरी ..
पूर्ण दिवस आनंदात जायचा माझा
तू स्मित जरी हसलीस तरी ...

डोळे माझे सुखावत होते ..
तू  पाठमोरी  दिसलीस तरी ..
आता तू फक्त  कल्पना कर ..
काय अवस्था होत असेल माझी ..
तू  थोडी जरी नाही दिसलीस तरी ...!

मान्य आहे मला मीही चुकत असेल ..
पण तुझी गलती काहीच नसेल .. ?
तुझ्या चुका बद्दल मी कधीच बोललो नाही
याचा अर्थ असा नाही की मला त्रास झालाच नाही ..
खूप काही सहन केलं ग मी ....!!

म्हणूनच मनापासून वाटतं ...
जाताना तू थोडं तरी थांबायला हवं होतं ..
माझं काय चुकलं हे सांगायला हवं होतं ..
कदाचित असेलही मी तुझ्यावर  रागावलो ..
पण तू माझ्यावर रागावून जाताना ...
मला एकदा तरी समजवायला हवं होतं .......!!

सनी ..एक वेडा मुलगा .

काय किंमत आहे ...........!!!

श्वास होता श्वासात तेव्हा
नव्हतं कोणी डोकावून बघायला
आज जेव्हा श्वासाच उरला नाही
तेव्हा आले सगळे बघायला .....!

नव्हतं कुणी रडायला माझेबरोबर ..
तेव्हा नव्हतं कुणी हसायला ..
आज जेव्हा शांतपणे झोपलोय मुक्त होऊन ..
तर , आले सगळे टाहो फोडायला ....!

आज पहा माझा काय  थाट.!
लोक जमतील मला अंघोळ घालायला
आयुष्यभर कधी नाही  पाहिलं कापड
आज नवीन पांढरे शुभ्र वस्र मला नेसायला ...!

जेव्हा उपाशी होतो रात्रो रात्र ..
नव्हतं कोणी एक घास खाऊ घालायला ..
आज जेव्हा भूक मेली माझ्याच बरोबर माझी ..
ठेवलाय माझेसाठी त्यांनी भात शिजायला .....

जन्मभर लाथ मारून गेले ते मला
आज आले माझ्या पाया पडायला
शब्दाचाही आधार नाही दिला ज्यांनी ..
आज चौघे चौघे  आले मला धरायला ..!

आज काय किंमत त्या रडण्याला ..?
आज काय किंमत त्या छाताड झोडण्याला..?
ज्या घरात राहातच नाही आज कोणी ..
काय किंमत आहे "ती " घरपुजा करण्याला ..?
काय किंमत आहे "ती " घरपुजा करण्याला ..?



sangrahit By My Friend : Saajan Uchade