विसरायला हवे....!

आपण एक निर्णय घेऊ यात आज

दु:ख होईल पण नाही विलाज ..

आज आपणच तोडायला हवेत ..

आता सारी नाती सारे बंध ..

दूर करायला हवा हळव्या प्रीतीचा गंध ...!!

विसरायला हवे आता जुनी स्मृती

जुने नाते ..जुणे ऋणानुबंध ..!

अलगद सोडून टाकू हे

प्रेमाचे हे रेशमी धागे

वळून पाहिलाही आता काही ..

ठेवायचे नाही मागे ..!

आपणच रेखाटलेल्या रांगोळीचे ..

भरलेले रंग आपणच पुसायचे .

घेतलेल्या आणाभाका ..

शेवटपर्यंत साथ देण्याचे स्वप्नं ..

गंगेच्या वाहत्या धारेत सोडायचे ..

अन पापण्यात अश्रू दडवून ..

फक्त जगासमोर हसायचे ...!

आपणच पाहिलेल्या स्वप्नांना ..

आपणच देऊ मुठ माती ...

या जन्मीचं राहिलेले प्रेम ..

राखून ठेऊ पुढच्या जन्मासाठी .....!

सनी ..एक वेडा मुलगा ....!