जेव्हा तू मला भेटली होतीस ....!

पहिले जेव्हा तू मला भेटली होतीस
पुढे असं काही होईल हे कधीच वाटले नाही ..
तू मला भेटण्या आधी खर तर
प्रेम मला कधीच कळलं नाही .....!

आयुष्याचा एक एक दिवस पुढे ढकलताना
जीवनात अशी बहार येईल असा कधी वाटलंच नाही..
खरं तर तू भेटल्यानंतर मला जाणवलं..
आज पर्यंत मी जे जगलो त्याला जगणं म्हणतच नाही .....!

प्रत्येक क्षणाला  तुझ्या प्रत्येक गोष्टीत .
मी गुंतेन असा मला कधी वाटलंच नाही
तुझ्या त्या तिरकस नजरेत हरवून
कसा तुझ्यात ओढत होतो हे मला कळलंच नाही .....!

तुझा हवाहवासा सहवास , तुझा तो स्पर्श
येवढं वेड लावेल असं कधी वाटलंच नाही
मुसळधार पावसातही कोरडा राहणारा मी
हलक्या सरीतही का भिजतोय ? हे कधी कळलंच नाही ...

चातकासारखी तुझी वाट पाहताना
कोणासाठी एवढा झुरेन असं कधी वाटलंच नाही
आपल्या तो दुराव्याचा एक एक क्षण
मरणापेक्षाही कठोर असेल हे मनाला पटलंच नाही ...!

माझ्या आयष्यात कुणी असा हळुवार येवून
माझा श्वासच बनून जाईल,कधी वाटलंच नाही
माझ्या  आयुष्यातील वाळवंटाची ही बाग होताना ..
अचानक.. मला जाग येईल असंही कधी वाटलंच नाही......!!


सनी ..एक वेडा मुलगा ...!!