पण आज ठरवलंय ..सर्व तिला सांगायचं ..!

ती समोर दिसली कि ओठातले शब्द
मूक होऊन जातात ..
डोळ्यात दाटलेले भाव तसेच
डोळ्यातच विरून जातात ....!

तिच्याकडे पाहिलं कि नुसत पाहतच
राहतो एकदम स्तब्ध होऊन ..
आणि मग तीही तशीच निघून जाते ..
शब्दाने हि विचारले नाही म्हणून रागावून...!

चंद्र तारे तोडून आणून द्यावे असे मनात येते
पण हे कसे शक्य आहे लगेच ध्यानात येते ..!

मग मी विचार करतो फुलच द्यावे ..
पण ते द्यायची हि हिम्मत होत नाही ..
म्हणून मी त्या बाजूला जातच नाही ...!

मग एखाद्या पुस्तकात ते फुल तसंच सुकत जाते
रात्रभर केलेली हिम्मत अन तयारी फुकट जाते ..

तिच्या मनात काय आहे हे कळत नाही ..
पण माझं मन तीचेशिवाय काही मागत नाही ..!

पण आज ठरवलंय ..सर्व तिला सांगायचं ..
तिच्या साठी असलेलं आयुष्य तिच्या स्वाधीन करायचं ..!

का कुणास ठाऊक ..
तिच्याही एखाद्या पुस्तकात ..
माझेसाठीची सुकलेली फुलं असतील .....!


सनी... एक वेडा मुलगा..!