गाडी पकडली पोलिसाने लायसेन्स नसेल तुमचेकडे
शंभर रुपये सरकवले तर इथे काही होत नाही
भ्रष्टाचार - भ्रष्टाचार सगळी कडे माजला आहे ..
म्हणूनच आज देश विकायला काढला आहे ..!
कुणी घेणार का हो ? देश माझा विकायचा आहे ....!
एकीकडे गावामध्ये अन्नासाठी पोरं रडत आहे ..
अन सरकारी गोडावून मध्ये सारा गहू सडत आहे ..
शिक्क्याचे पोते बदलून रेशनचा गहू बाहेर विकत आहे.
शाळेतील पोरांचा तांदूळ वाण्याच्या दुकानात जात आहे .
सगळी कडे लक्ष द्यायला ..सरकार ला वेळ नाही ..
सरकारी कामे सुद्धा पैश्याशिवाय होत नाही ....!
दुसरा काही तरी पर्याय शोधायचा आहे ...
कुणी घेणार का हो ? देश माझा विकायचा आहे ....!
काही विरोधक येवून रंगेहात पकडून देतात
पेपर मध्ये छापून आलेवर ते पण विसरून जातात
इकडे तिकडे सरकून पोलीस स्टेशन मधेच केस बंद होते ..
इलेक्शन आलेवर भाषण करताना त्यांना पुन्हा जाग येते ..
त्यांची काही चूक नाही चूक तर आपली आहे .
तेव्हा पाचशे रुपये घेऊन मत आपण विकले आहे ..
नको ते लोक पाठवून चूक आपण केली आहे ..
आणि या भ्रष्टाचारामुळे माणुसकीही मेली आहे ...!
आता यापुढे फक्त होणारा अन्याय पाहिचा आहे ..
कुणी घेणार का हो ? देश माझा विकायचा आहे ....!
पैसे सरकवून परदेशी सुद्धा इथलेच होऊन राहिलेत ..
सक्खे भाऊ सुद्धा इथले परके होऊन राहिलेत
देश सेवा लुटणारे इथे उजळ माथ्याने सुटले ..
आणि देशसेवा करणारांचे डोके इथे फुटले ..
आंदोलन करणारांना फटके मारून अटक इथे होते ..
अन बॉम्बस्फोट करणारांचे स्वागत राजेशाही थाटात होते
अंध देवतेच्या तराजूत अन्याय हा तोलायचा आहे ..
कुणी घेणार का हो ? देश माझा विकायचा आहे ....!
किती आता सहन करायचे विरोध करायला आता तरी एकत्र या
शिवाजी जन्माला यावा पण दुसर्याच्या घरात हे आता तरी सोडून द्या.. ?
सनी ..एक वेडा मुलगा
No comments:
Post a Comment