आठवतात अजूनही ते दिवस घरासमोरच्या रस्त्यावर
असलेले असंख्य खड्डे
त्या खड्ड्यांशी जोडलेले
माझे अतूट नाते .........!
काही लहानपणी गोट्या खेळण्यासाठी
स्वतःचे हाताने पाडलेले..
तर क्रिकेटचे स्टंप लावताने काही ..
तर काही असेच गतकाळाच्या
आठवणी जागे करण्यासाठी
स्वतःच तयार झालेले ...
काही टवाळखोर दगडं मधूनच
वर येत अन टोचत पायाला ..
आणि
धूळमाती अंगावर घेत
वेळेचे भान पण राहत नसे तेव्हा ..
पावसाळ्यात पाणी भरायचे डबक्यात ..
आठवतात अजून
पाण्यात मारलेल्या उड्या अन
पायाला लागलेला चिखल
पसरत असे घरभर ..
आईची बोलणी ..बाबांचा मार
पुन्हा जावून स्वच्छ पाण्याने ..
पाय धुणे ....
पण ...
आता डांबरीकरण झाल्यावर
सपाट अन मऊ रस्त्यावरून चालताना ..
उगाच पाय कुठेतरी ठेचकाळतो ..
काहीतरी टोचत पायाला...
आणि मग ...
पायाला चिखल लागल्याचा
भास होतो ...
फक्त भास ..
मनातून जाता जात नाही ......!
सनी ..एक वेडा मुलगा ....!
No comments:
Post a Comment