तु माझेजवळ असतीस तर..
डोळे कधी भरले नसते
रुमालाचे धागे कधी
आसवांनी भिजले नसते
स्वतःचे डोळे पुसता पुसता
…………हात माझे थकले नसते.
तु माझेजवळ असतीस तर..
गालावर फुललेले कमळ
अकाली कोमजले नसते
स्वप्ने पहायच्या वयात
जिथे गुलाब फुलायचे
………..तिथे काटे रुतले नसते.
तु माझेजवळ असतीस तर..
सजली असती मग निशीगंधाही
हसली असती मग बागेतली
अबोल मुग्ध ती रातराणीही
कुंपणावरच्या जाई-जुईंनी
…………कुजबुजणे सोडले नसते.
तु माझेजवळ असतीस तर..
असले असते माझे असणेही
तुझ्या असण्यातले माझे
माझ्या असण्याला शोधणेही
भिरभिरणार्या पापणीने मग
………..क्षितिज शोधणे सोडले नसते.
सनी ...एक वेडा मुलगा
No comments:
Post a Comment